Motxila bizkarrean hartu eta bidaiatu Europan zehar Trepik Interrailean.
13 EGUN. 6 TOKI. 15 PERTSONA. TALDE BAT.
Trepik Interrail since 2016
Trenez zeharkatuko dugu Europa, bai!
2016tik hainbat gaztek bizi dute eta hurrengoa zu izan zaitezke! Prestatu zeure burua, inpaktatuko eta eraldatuko zaituen esperientzia bizitzeko, hau Interraila izateaz gain, hau Trepik baita.
Trepik Interrailean zer gertatzen den? “Zer ez!” da erantzuna…
Europako edozein herrialdetako tren gidarien grebak.
Eta honi esker…
Europako tren ibilbide guztiak esploratzen amaitzen dugu, eta inoiz bertara iritsiko ez ginen herrietan eskalak egiten amaitu (adibide argiena: Metz Ville). Eta azkenean, herri galdu horiek Amsterdam edo Venezia bat baino gehiago gustatzen amaitu!
Gure eserlekuak beste bidaiari batzuen berdinak izatea eta hortaz, eserlekurik gabe bidaiatu behar izatea, edota nahi gabe gurea ez zen tren bat hartzea…
Eta honi esker…
Ibilbide motzen kasuan pikengandik ihes egiten saiatu bagoiz-bagoi mugituz joanez… Eta bidai luzeen kasuan, bertatik aurrera hartuko ditugun tren guztietako pikei egoera azaldu pase berriak erosi behar ez izateko.
Taldeko norbaiten interraileko pasea galtzea.
Eta honi esker…
Talde osoa benetako escape room bat bizitzen egongo bagina bezala konponbide bila hasten gara: batzuk memoria egiten hasten dira gertaerak zerrendatzeko, beste batzuk poliziari azalpena frantsesez nola eman prestatzen google translate erabiliz, ondoren bertako polizien lagunak egiten amaitzen dugu denuntzia ipintzeko arazorik ez izateko…
Hartu behar genuen trena atzeratu edo aurreratzeagatik korrika batean ibili behar izatea, edo baita trena galtzera iristea ere…
Eta honi esker…
Gure egoera berean dauden beste gazte bidaiari batzuk ezagutzen amaitzen dugu, eta horrela, taldean Indiar bat edota Argentinako beste gazte batzuk gure taldearen parte izaten amaitzen dute.
Taldeko burugogorrenari plangintzatik kanpo zegoen leku bat BAI EDO BAI bisitatzeko gogoa sartzea.
Eta honi esker…
Taldeko kideak plangintza itxi baten testuingurutik irtetzen gara. Hasieratik ezarrita dauden ekintzak edo helburuak zalantzan jartzen ditugu, eta interrail hau benetan guk nahi dugun bezalakoa sortzen hasten gara, inprobisazioaren aurrean beldurra galduz.
Ibilbidea
Abentura berean ezagunak diren hiriburuak bisitatzeko aukera paregabea da. Hiri bakoitzak gauza ezberdin bat eskaintzen du, eta horri esker, esperientzia erabat ezberdina da horietako bakoitzean.
Aurten, bi aukera hauek eskaintzen ditugu:
The Original
Hendaia
Lotsak galtzeko eguna, lehenengo momentuak...
Paris
Hiria ezagutuko dugu ginkana batekin (pateada pixka bat egiten da baina metroa ere erabiliko dugu). Momentazoekin hasiko da bidaia: Montmartreko behatokitik Paris osoa aurrean dugula "imagine" abestu kale-musikari batekin batera, Eiffel Dorrea aurrean dugula ilunabarra ikusi eta bere gaueko argiekin inspirazio une bat sortu...
Estrasburgo
Hiri honek beti harritzen gaitu, ipuinetako panpinen herri batean sartu garela ematen baitu. Argazkilarientzat leku aproposa da, dudarik gabe. Ondorioz, hiriaren alde zaharra ezagutzeko modalitate hori hartuko dugu; eta Erdi Arora salto eginez hainbat bitxikeria ezagutuko ditugu. Eta onena: Masterchef saioarekin amaituko dugu eguna.
Amsterdam
Zaanse Schans-eko erroten herria ezagutuko dugu alde batetik; baina batez ere, kontrasteak izango dira nagusi. Europako hiririk garrantzitsuenetarikoa den honetan aniztasunak nola elkarbizitzen duen ikusiko dugulako; eta lotsak erabat galdu eta momentuaz gozatzeko, azpimarratuko dugu “zein izan zen zerbait lehen aldiz egin egin zenuen azken aldia?” filosofia.
Berlin
Ibilbidearen atal nagusia egin ostean, eta orain arte bisitatutako hirietan Bigarren Mundu Gerra pixka batean aipatu ostean, hemen erabat sartuko gara gaian. Azken batean, Berlin hiriak itxura hutsarekin ez baitu ematen dituen bitxikeri eta historio guztiak izan behar dituenik atzetik. Nola ez, Sachsenhausen kontzentrazio-esparrura bisita egingo dugu, eta hemen bai geratuko garela aho bete hortz. Azkenik, txoke guzti horren ondoren gure txanda izango da! Berlineko gazte ekintzaileekin batera saio berezi bat egingo dugu, gizartean guk, gazte bezala egitea nahiko genukeen ekarpenari buruz aritu eta inspiraziozko kasuak ezagutzeko.
Praga
8 egun elkar ikusi gabe egon ostean berriz ere elkartuko gara beste ibilbideko kideekin, eta duela hilabete bananduko bagina bezala izan dela irudituko zaigu, horrenbeste gauza bizi izan ditugulako…! Horregatik Praga, lasaitasun gehiagoz hartuko dugu eta koloretako hiri eder hau ezagutzen gauden bitartean orain arte bizitako guztia ere asimilatzeko balioko digu. Hori bai, primeran pasako dugu escape street-a ebatzi bitartean.
Destino sorpresa
Ba hori, sorpresa 😉
Hendaia
Irten ginen leku berera iritsi gara. Wow, zenbat gauza bizi izan ditugun azkeneko aldiz hemen egon ginenetik! Kanpinean egingo dugu azken gaua, hondartzako ilunabarraren lasaitasunarekin eta gaueko izarren azpian. Itxiera berezi batekin emango diogu bidaiari agurra.
The New
Hendaia
Lotsak galtzeko eguna, lehenengo momentuak...
Munich
Europan murgiltzen hasteko leku erabat aproposa: Hitlerrek gidatutako Nazismoaren sorreraren hiria da Munich, harrituta geratzen gara normalean bertako bitxikeriak ez direlako jakiten. Baina nola ez, deskantsu pixka bat ere garrantzitsua da hemen, eta Eisbachwelle-ko surfistei begira ere igarotzen dugu denbora.
Venezia
Geltoki erabat ludikoa izaten da, Venezia eta Buranoko kale politetan zehar aritzen gara hainbat erronkei aurre eginez eta barre behintzat soberan egiten den eguna izaten da.
Viena
Hiri klasiko honek bi perspektiba emango dizkigu. Musika klasikoa, jauregiak, Sissi… ezagutuko ditugu alde batetik; baina ikuspegi globala ere izango dugu. Izan ere, Nazio Batuen egoitza bertan dago, eta zerbaitegatik izango da, ezta? Guk gure kasuan, horri loturiko topaketa berezi bat izango dugu bertako gazte ekintzaile batzuekin batera; eta gazte bezala mundu honetan zein leku izan dezakegun ikusiko dugu. Eta onena: Masterchef saioarekin amaituko dugu eguna.
Krakovia
Nazismoarekin hasi dugu The New ibilbidea eta Bigarren Mundu Gerrarekin emango diogu amaiera. Poloniako hiri polit hau ezagutzean, bertan eman ziren gertakariak ezagutuko ditugu. Horrez gain, Auschwitzera bisita egingo dugu, eta honekin bai geratuko garela zur eta lur.
Praga
8 egun elkar ikusi gabe egon ostean berriz ere elkartuko gara beste ibilbideko kideekin, eta duela hilabete bananduko bagina bezala izan dela irudituko zaigu, horrenbeste gauza bizi izan ditugulako…! Horregatik Praga, lasaitasun gehiagoz hartuko dugu eta koloretako hiri eder hau ezagutzen gauden bitartean orain arte bizitako guztia ere asimilatzeko balioko digu. Hori bai, primeran pasako dugu escape street-a ebatzi bitartean.
Destino sorpresa
Ba hori, sorpresa 😉
Hendaia
Irten ginen leku berera iritsi gara. Wow, zenbat gauza bizi izan ditugun azkeneko aldiz hemen egon ginenetik! Kanpinean egingo dugu azken gaua, hondartzako ilunabarraren lasaitasunarekin eta gaueko izarren azpian. Itxiera berezi batekin emango diogu bidaiari agurra.
Egun batean dauden osagaiak
Egun on!
Esnatzeko ekintza eta prestatzeko unea. Hiri bakoitzeko egonaldia taldeko bi kidek lideratzen dute. Goizero kapitain hauek guztia prest dagoela ziurtatzeko begiraleekin biltzen dira.
Turismo alternatiboa
Begirale eta kapitainek dinamizatutako ibilbide eta frogen bitartez ezagutzen dugu hiria. Ikasketa aktiboa bultzatzeko begiraleek emandako materialez gain, informazio-iturri ezberdinetara jo beharko dugu (hosteletako beste bidaiariak, mapak, turismo bulegoak...).
Networking
Desafio txikiak egiten dira beste bidaiariekin eta hiriko bertako pertsonekin interakzioa bultzatzen da, ingelesa zein beste hizkuntzen erabilera praktikatzeko.
Inpaktu globala eta lokala
Hiri bakoitzean, lekuak duen izaeraren arabera bisita parte-hartzaileak egiten ditugu (plangintzan agertzen dira).
Eztabaida eta hausnarketak
Bidaiko akzio guztian zehar etenaldiak ere egiten ditugu, harritu gaituzten egoerak elkarbanatzeko. Ikuspuntu bakoitza elkarrizketa berean jasotzeak, egunerokotasuneko gaiak, gure sentimendu, intereseko puntu edo kezkak lantzeko aukera ematen digu, eta horrela, gai ezberdinak zalantzan jartzeko gai izan.
Eguneko balorazioa, diruaren kudeaketa eta hurrengoaren plangintza
Taldeak, egun bakoitza begiraleek emandako informazio eta ekintzekin antolatzen du. Gainera, aurrekontuak ere kontuan izan behar ditugu, egunero taldeak diru kopuru bat duelako otorduen gastuentzat, taldeak nahi duen bezala kudeatzeko. Horregatik, egunero balorazio bat egitea garrantzitsua da, hurrengoa hobeto antolatu ahal izateko.
FAQ
Zalantzaz josita zaude, noski! Eta zu bezala, beste guztiak ere. Ez dakizuna da hor hasten dela benetako abentura. Ireki begiak, zabaldu besoak eta ausartu egoera berri batean murgiltzera!
Ah! Eta noski hemen gaituzu izan ditzakezun zalantzak argitzeko.
Jendeak bakarka ematen du izena normalean, edo lagunen batekin?
Denetik dago, batzuk bakarrik etortzen dira eta beste batzuk lagun bat edo birekin asko jota. Baina egia da azken urteetan gero eta gehiago apuntatu direla bakarrik. Gure gomendioa zalantzarik gabe bakarrik apuntatzea da, edo lagunen batekin etorriz gero bakoitzak ibilbide bat egitea. Izan ere, taldean dauden beste kideak ez ezagutzean, bidaia autentikoagoa bihurtzen da, bakoitza garen bezalakoa izaten garelako, eta lotsak ahaztea errazagoa izaten da.
Zein motatako jendea da?
Euskal Herrikoak, Madrilgoak, Bartzelonakoak… 14-18 urteko nerabeak.
14-18 urteko tartea ez da asko?
Nahita egiten dugu hau. 3 arrazoirengatik:
- Beti gure adin inguruko gazteekin elkartzen gaituzte, baina afinitateak askotan ez dira adinaren araberakoak, izaeraren araberakoak baizik.
- Pertsona baten adina ez baligute esango, ziur ez genukeela beti asmatuko. Adina jakitean aurreiritziz betetzen dugu egoera, eta askotan ez du zentzurik horrek.
- Adin ezberdintasunak aniztasuna dakar, eta hori da bidai epiko honen helburua. Bidai honetan parte hartzean “betikoa” alde batera uztea baita helburua.
Zergatik diozue bizi esperientzia bitala dela bidaia? Zer gertatzen da ba bertan?
“Noiz izan zen zerbait lehen aldiz egin zenuen azkenengo aldia?” hori da bidai honen galdera nagusia, eta bidaiaren helburua beti berdina den ingurune eta errutinatik irtetzea da. Horregatik, txertatzen ditugu osagai guzti hauek bidaian:
- 8 hiri ezagutzen dira, turismo “klasikoa” edo “tipikoa” alde batera utziz
- Auschwitz edo Sachsenhausen bezalako guneak bisitatzen dira
- Interraileko paseari esker bidaia inprobisatu daiteke eta auskalo espero gabeko zein herritan amaituko dugun!
- Horren egun gutxitan horrenbeste herrialde ezberdinetako pertsona ezagutzen dira… eta hizkuntzak praktikatu, noski!
- Bidaia elkarrekin egingo dugun 15 pertsonen artean autokudeatuko duzue. Beraz, uste baino gehiago ikasiko duzue bizitzaz: dirua kudeatu, sukaldatu, hirietan orientatu, hizkuntzak erabili beharren arabera…
- Taldekideen artean konfiantzazko ingurunea sortzen da, egiten diren dinamikei esker, konbertsazio inprobisatuei esker… bakoitzak bere barruak ireki eta konfiantzaz jarduteko giro seguruak sortzen dira bidaian zehar.
Zer da Interraila, treneko tiket bat?
Interraila treneko pase bat da bai, baina ez du egun zehatzik eta ibilbide zehatzik ere ez. Hau da, egun jakin batzuetan zuk nahi dituzun bidai guztiak egiteko aukera ematen dizu. Horregatik diogu malgutasuna eta inprobisazioa posible direla Trepiken Interraileko paseari esker. Izan ere, hiri batetik bestera joaten garen 7 egunetan, nahi ditugun tren guztiak hartzeko aukera izango dugu. Honetarako, aplikazio bat erabiltzen da, trenak begiratzeko etab. Beraz, goizean genuen tren bat arratsaldean hartu nahi badugu goiza beste zerbaitetan aprobetxatu nahi dugulako posible izango da.
Zer nahi duzue esan “Destino sorpresarekin”? Zer da, beste leku bat?
Bai, hori da. Inork jakingo ez duen leku bat izango da, horregatik da sorpresa. Pragatik elkarrekin joango gara bertara The New eta The Original taldekoak. Eta gainera bidaiari itxiera emateko aproposa izango da, izan ere, Interraila erabiltzean aditu bihurtuta egongo gara ordurako eta malgutasuna nagusi izango den egun honen ostean, anekdotaz beteta itzuli ohi gara Hendaiara.
Bidaian zertaz arduratu behar naiz?
Zu zeu izateaz eta esperientzia hau ahaztezina izateko topera aprobetxatzeaz! Hiri bakoitzean taldeko 2 kide izango dira kapitainak, eta horien ardura izango da hiri horretan egingo dena taldearen nahietara bideratzea. Baina lasai, ez da lan karga astun bat! Bidai honetara ez goaz lanera 😉
Non egiten da lo, ostatuak zehaztuta al daude?
Hosteletan egiten da lo. Izan ere gazte giroa nagusi izaten da bertan, eta pertsona ezberdin asko ezagutzeko aukera ematen dute. Horrez gain, badaude trenez egiten diren gauak ere "The New" ibilbidean batez ere. Kasu honetan trenak erreserbatutakoak izaten dira. Nahiz eta normalean ez diren literadun plazak izaten, ohe bihurtzen diren eserlekuak izaten dira. Eta azkenik, azken gaua Hendaian kanpinean egiten da. Hori bai, Feel My Wayk eramaten ditu kanpin dendak eta esterilak bertara, ez dira bidai osoan zehar eraman behar.
Otordu guztiak barne daudela diozue, baina zer jaten dugu?
Taldeak erabakitzen ditu otordu guztiak. Hau da, hauek erreserbatu gabe daude, eta egunero begiraleek ematen duten diru poltsa bat izanik antolatzen da. Beraz, hostaletako sukaldeetan sukaldatzen da batzuetan, besteetan sandwich asko ere jaten dira eta azkenik, jatetxeetan ere jan daiteke. Baina esan bezala, taldearen esku geratzen da hau %100ean.
Begirale arduradunak egongo dira? Zenbat? Esperientziadunak al dira?
Bai, 15 nerabe ibilbide bakoitzean eta 2 begirale izango gara talde bakoitzean. Hau da, guztira 30 nerabe eta 4 begirale. Begiraleak esperientziadunak izango dira, hizkuntza ezberdinak hitz egiten dituztenak, Europan zehar bidaiatu dutenak, eskarmentudunak eta zuek bezala, esperientzia hau bizitzeko irrikitan daudenak!
Zeintzuk dira segurtasun neurriak? Asegururik ba al dago zerbait gertatuz gero?
Noski! Bakoitzari Europar Osasun Txartela ateratzeko eskatuko dizuegu eta, horrez gain, bidaia asistentziako asegurua ere izango du bidaiari bakoitzak. Azkenik, talde txiki bakoitzean 2 begirale izatearen arrazoia ere hori bada.
Dudak ditut “The Original” edo “The New” nahiago dudan… Nola jakin dezaket zein ibilbide hautatu?
Hiriei dagokienez preferentzia zehatzik ez baduzu, bi bidaien arteko ezberdintasuna intentsitatea dela esan dezakegu. The Original lasaiagoa da, gau gehiagotan egiten baita hosteletan lo. The New ibilbidean berriz, intentsitate gehiago dago, gau gehiago igarotzen direlako trenetan. Dena dela, ez duzu derrigorrez bietako bat hautatu beharrik, preferentziarik ez duzula esan dezakezu.
Nola hautatzen da ibilbide mota?
3 aukera daude: “The Original”, “The New” edo bietako edozein. Izena ematean preferentziarik al duzun galdetuko dizugu eta arrazoia adierazi beharko duzu. Zure izen-ematea jasotzean plaza konfirmatu den baieztatuko dizugu, baina ibilbidea aurrerago konfirmatuko da. Izan ere, zure pertsona estiloa ezagututa beste ibilbidea gomendatzea posible da, edo osatu den talde mota ikusita… kasu ezberdinak eman daitezke. Baina lasai egon, zure preferentzia ahalik eta gehien kontuan hartzen saiatuko gara eta.
Zein da izena emateko prozedura?
Orrialde honen amaieran dagoen galdetegia bete behar da. Ondoren, bertan adierazten den bezala, 1. ordainketa egin beharko da (600€koa) eta agiria Martari bidali (marta@feelmw.com).
Nondik hasten da bidaia? Nora joan beharko nintzateke?
Hendaian hasi eta amaitzen da. Beraz, lehenengo egunean 12:00ak aldera Hendaian egon beharko gara eta azken egunean arratsaldeko 17:30ak aldera amaituko da bidaia. Irteera eguna larunbata da eta iritsiera eguna ostirala. Beraz, gurasoentzat ere bertaratzea errazagoa izan dadin pentsatuta dago.
Zer da eraman beharrekoa?
Motxila bat eta zenbat eta gauza gutxiago orduan eta hobeto. Arropa eta oinetako erosoak, nezeserra eta lo zakua. Baina lasai egon, bidaia baino lehen zerrenda bat bidaliko dizuegu gomendioekin.
Antolatzaile bezala, ba al duzue esperientziarik horrelakoak antolatzen?
Justu honetan baiezkoa esan dezakegu %100ean. Izan ere, Trepik Interraila 2016tik antolatzen ari gara (pandemia garaian izan ezik), eta 12 taldek bizi dute esperientzia hau dagoeneko gurekin. Horrez gain, Europan zehar nerabeentzako ikas bidai mordoa ere antolatu ditugu. Eta azkenik, gu geu ere Europan zehar asko bidaiatu dugun pertsonak gara, begirale bezala edota gure kontuz. Adibide narbarmenak dira, Aintzane eta Norak egindako Interrail kopurua batuz gero 11 Interrail direla eta Pragan egon diren aldiak guztira 20 😂🤭
Prezioan dena barne dagoela agertzen da, baina ez dago bestelako kosturik bidaian zehar?
Kostu bakarrak souvenirrak eta bakoitzaren kapritxoak lirateke. Izan ere, garraio-txartel guztiak, ostatuak, otorduak… guztia barne dago.
Aurreko urteetako Trepik abenturak ikusi nahi?
Zalantzaz josita zaude, noski! Eta zu bezala, beste guztiak ere. Ez dakizuna da hor hasten dela benetako abentura. Ireki begiak, zabaldu besoak eta ausartu egoera berri batean murgiltzera!
Ah! Eta noski hemen gaituzu izan ditzakezun zalantzak argitzeko.
Informazio praktikoa
Noiz:
Uztailak 13-26.
Nor:
14-18 urteko 15 gazte ibilbide bakoitzean.
Izen-ematea burutzeko:
Eskuinean dagoen botoian klik eginez bertako izen-emate orria bete eta lehenengo kuota ordaindu behar da, zehazki: 600€. Datuak izen-emate orriaren amaieran agertzen dira.
Izen ematea egiten dutenen ordenean joango dira plazak betetzen.
Zalantzak dituzu?
Galdetu Martari, Europa ondo baino hobeto ezagutzen du eta.
€
1.835
Prezioak barne hartzen ditu:
- Garraioa: Europan zehar bidaiatzeko Interraileko pasea eta hiri bakoitzaren barruan mugitzeko garraioa prezioan barne daude. Dena dela, bakoitzaren esku dago Hendaiara iristeko eta bertatik etxera itzultzeko garraioa.
- Otorduak: Otordu guztiak barne.
- Ostatua: Hostelak eta apartamentuak ibilbide osoan zehar eta kanpina azken gauean (kanpin-dendak eta esterilak barne).
- Arduradunak: 2 begirale ibilbide bakoitzean.
- Ekintzak: Plangintzan agertzen diren bisita guztiak eta bidai osoko ekintza eta programazioa.
- BEZ-a eta bestelako inpostuak.
- Bidai asistentzia eta kantzelazioko asegurua.
