Bai eta ez. Programa honek duen gauza oso on bat klaseak mailazka banatzen direla da, ingeles mailaren arabera, A1etik C2ra bitartean. Beraz, ez da ingeles maila altua eduki behar Irlandako programara etortzeko. Izan ere, programa hau aukera paregabea da atzerrira inoiz joan ez diren gazteentzako, lehenengo esperientzia bezala herrialde atzerritar batean. Gainera, gure Estatu Batuetako programetan ez bezala, Irlandan ez da denbora asko pasatzen familiarekin, eta ingelesez hitz egiteko ohitura oso azkar hartzen da beste gazteekin ingelesez hitz egiten.

Goizetan klase praktikoak eta dinamikoak izango dira, 4.5 ordu egunero (ikasle bakoitza bere familiaren etxetik eskolaraino autobus publikoan joan beharko da, garraio txartel hau prezioan barne hartuta dago). Ondoren, eskolan bazkalduko da etxetik ekarritako “packed lunch”a, eta arratsaldeetan, ekintza ezberdinak egingo dira (kirolak, ekintza kulturalak, tokiak bisitatzekoak…). Horrez gain, asteazken eta ostiraletan, gazteentzako diskoteka eta karaoke ekintzak egingo dira. Astebukaeretan, larunbatetan egun osoko irteerak egingo dira eta igandeak egun libreak izango dira, beste gazteekin egoteko edo familiarekin egoteko. Aipatutako dena derrigorrezkoa izango da, eta behin ekintzak bukatuta, etxera itzultzeko ordua errespetatzea derrigorra izango da, segurtasuna bermatzeko. Hau normalean, beste ikasleekin batera egiten da, familiak zonalde berdinean bizi direlako askotan.

Bai, ISI Dublinekin elkarlanean, haien bitartez kudeatzen baitira klaseak, ekintzak eta familiak. ISI Dublinek 20 urte baino gehiagoko esperientzia du programak antolatzen, eta Dublineko zentroan duen kokapen estrategikoari esker, oso aukera erosoa bihurtzen da. Gainera programa berean Espainiako eta beste herrialdeetako talde gehiagok ere parte hartzen dute. Horregatik, esperientzia erabat internazionala da.

Ezin dugu perfil bakarra izendatu, denetarik dago. ISI Dublinen bitartez parekatzen dira ikasleak eta familiak. Familia bakoitzean, ikasle bat baino gehiago egongo da. Baliteke Espainiakoak izatea edo beste herrialde batekoak, eta ikasleek beste ikasle batekin partekatuko dute logela. Egia da familiekin ez dela denbora askorik partekatzeko aukera egoten. Izan ere, haiek haien egunerokotasuna izaten dute (lana, betebeharrak…) eta ikasleek ere egutegi erabat osoa dutenez (goizeko klase praktikoak, arratsaldeko eta gaueko ekintzak…) etxetik kanpo igarotzen dute eguna, eta beste ikasle eta begirale internazionalekin batera egoten dira uneoro. Ondorioz, etxea beste ikasle batekin partekatzea positiboa bihurtzen da, egunerokotasuneko joan-etorriak elkarrekin egiten dituztelako. Horrelako estiloko programetan egoten den beste aukera bat, erresidentzietan lo egitea izaten da. Dena dela, Feel My Wayn etxeen aukera hobea dela uste dugu, bidaian parte hartuko duten ikasleek ordaindu beharreko prezioa bestela dexente igoko litzatekeelako, eta esperientziari begira berdin bizitzen delako. Beraz, zure helburua familiekin elkarbizitza estua lortzea bada, Estatu Batuetako gure programak horretarako diseinatuta daude; baina hori bai, AEB-tan jarraitzen den egutegia ez da Irlandakoarena bezain itxia (ekintzak eta klaseak egunero). Irlandan programa dinamiko bat biziko duzu, klase praktikoekin eta ekintza ezberdinekin, herrialde askoko gazterekin batera. Planazo!

Dublineko aldirietan. Gutxi gorabehera 30-40 minutuko bidaia egin beharko da egunero eskolara joateko autobus publikoan (prezioaren barne). Oso ohikoa izango da autobusean beste ikasleekin batera joatea (familietan ikasle 1 baino gehiago hartzen baitituzte).

Ikasle bat bere familiarekin gustora ez badago, kasua aztertuko da. Askotan komunikazio gaizki-ulertuak egoten direlako izaten da, ikaslea eta familiaren artean. Horretarako, begirale eta ISI Dublinen laguntzaz egoera konpontzen saiatuko da. Arrazoia justifikatuta baldin badago, ikaslea familiaz aldatuko da. Kontuan hartu behar da, familiak ez direla baliabide mugagabe bat, beraz, baliteke familiaz aldatzeak egun batzuk irautea.

Bai, Feel My Wayko begirale bat egongo da bidai osoan zehar, eta Irlandan, ISI Dublinen partetik klaseentzako irakasleak eta ekintzetarako begiraleak egongo dira. Hauek esperientziadunak izango dira, hizkuntza ezberdinak hitz egiten dituztenak, gazteekin esperientzia dutenak eta antzeko programetan parte hartu dutenak.

Noski! Bidaia asistentziako asegurua eta aseguru medikoa izango ditu bidaiari bakoitzak. Gainera, Feel My Wayko begiralea egongo da asistentzia emateko zerbait gertatuz gero.

Orrialde honen amaieran dagoen "Izena eman!" botoian klik egin eta galdetegia bete behar da. Galdetegia bertan, adierazten den bezala, 1. ordainketa egin ondoren (1000€-koa), agiria igo beharko da. Behin izen-ematea konfirmatuta, zure plaza konfirmatuko da.

Justu honetan baiezkoa esan dezakegu %100ean. Izan ere, AEB eta Irlandako egonaldiak 2016tik antolatzen ari gara (pandemia garaian izan ezik), eta 13 taldek bizi dute esperientzia hau dagoeneko gurekin. Horrez gain, guk geuk ere programa mota hauetan hainbat alditan parte hartu dugu ikasle bezala, begirale bezala edota gure kontu, bai Estatu Batuetan, bai Irlandan eta baita Erresuma Batuan ere.

Kostu bakarrak souvenirrak eta bakoitzaren kapritxoak lirateke. Hala ere, bazkaltzeko “packed lunch”ak ez dira oso handiak izaten, Irlandan bazkari arinagoak egitera ohituta baitaude, beraz eskuko diru pixka bat eramatea gomendatzen da, eskolako kafetegian edo inguruko supermerkatuetan zer edo zer erosteko gose izatekotan. Horrez gain, igandetan egiten diren planetarako dirua beharko da, azken hauen kostua ez baitago programaren barne. Adib.: ikasle batzuk merkatal zentro batera joaten dira eta hor bazkaltzen dute, bazkari horren kostua ikasle bakoitzaren esku dago. Garraio txartela prezioaren barne dago hori bai, Dublinen zehar nahi beste bidai egin ahal izateko.