Liga 4 modulutan banatuko da (bakoitzean GIH bat landuko da), eta bakoitzak astebete iraungo duenez, talde bakoitzak, modulu bakoitza noiz egin erabakiko du (talde bakoitzak 6 aste horietako 4 aukeratuk ditu).

Modulu bakoitzean ekintza ezberdinak egongo dira:

Datu edo informazio kuriosoetan eta kasu praktikoetan oinarrituko gara. Talde lana lantzeko eta gaiarekiko gazteen interesa pizteko balioko du. Atal ezberdinak osatuz, Garapen Iraunkorreko Helburu bakoitzean gehien sakontzea posible izango den ekintza izango da.

Ekintza erabat zehatzak eta praktikoak izango dira, zuzenean bakoitzak bere egunerokotasunean egin ahal izatekoak. GIH-ak errealitatean lantzeko baliogarriak izango dira.

Herri, hiri edo auzo mailan aldaketaren eragile izan daitezen, elkartasunezko ekintzak proposatuko dira. Horrela, haien inguruan aldaketarako duten eskumen eta gaitasunaz ohartu ahalko dira.

GIH-ak zabaltzen dituzten erreferente eta eragileak gazteei gerturatu nahi dizkiegu, elkarren arteko konexioa sortzeko. Honetarako, gazteek pertsona inspiratzaileen hitzaldietan parte hartuko dute eta eragileetako partaideekin eztabaida saioak egingo dituzte.

Bi eguneko kanpaldia beste sari bat bezala izango da (doakoa izango da). Izan ere, bertan parte hartuko duten taldeek gaua Hondarribi edo Orion igaroko dute elkarrekin, ekintzetan parte hartuz, begiraleekin batera... Honen helburua, beste taldeak ezagutu eta modu ludiko baten lehiaketari itxiera ematea izango da.

Ligako taldeetatik lehenengo 140 pertsonek izango dute ospakizunera joateko aukera. Hortaz, lehenengo talde sailkatuetan dauden pertsona kopuruaren arabera beteko dira plazak, eta 140 pertsonara iristean ospakizuneko kanpaldian parte hartuko duten taldeen kopurua itxi egingo da.