Liga 4 modulutan banatuko da (bakoitzean GIH bat landuko da), eta talde bakoitzak, modulu bakoitza noiz egin erabakiko du.

Modulu bakoitzean ekintza ezberdinak egongo dira:

Datu edo informazio kuriosoetan eta kasu praktikoetan oinarrituko gara. Talde lana lantzeko eta gaiarekiko gazteen interesa pizteko balioko du. Atal ezberdinak osatuz, Garapen Iraunkorreko Helburu bakoitzean gehien sakontzea posible izango den ekintza izango da.

Ekintza erabat zehatzak eta praktikoak izango dira, zuzenean bakoitzak bere egunerokotasunean egin ahal izatekoak. GIH-ak errealitatean lantzeko baliogarriak izango dira.

Herri, hiri edo auzo mailan aldaketaren eragile izan daitezen, elkartasunezko ekintzak proposatuko dira. Horrela, haien inguruan aldaketarako duten eskumen eta gaitasunaz ohartu ahalko dira.

GIH-ak zabaltzen dituzten erreferente eta eragileak gazteei gerturatu nahi dizkiegu, elkarren arteko konexioa sortzeko. Honetarako, gazteek pertsona inspiratzaileen hitzaldietan parte hartuko dute eta eragileetako partaideekin eztabaida saioak egingo dituzte.

Egun bateko irteera beste sari bat bezala izango da (doakoa izango da). Izan ere, bertan parte hartuko duten taldeek eguna Gasteizen igaroko dute elkarrekin, ekintzetan parte hartuz (paintball, humor amarilo...). Honen helburua, beste taldeak ezagutu eta modu dibertigarri baten lehiaketari itxiera ematea izango da.

Ligako taldeetatik lehenengo 100 pertsonek izango dute ospakizunera joateko aukera. Hortaz, lehenengo talde sailkatuetan dauden pertsona kopuruaren arabera beteko dira plazak, eta 100 pertsonara iristean ospakizunean parte hartuko duten taldeen kopurua itxi egingo da.